179 ਦਿਨਾਂ ਬਾਅਦ ਖੁੱਲ੍ਹੇ ਬਦਰੀਨਾਥ ਧਾਮ ਦੇ ਕਿਵਾੜ: 20 ਹਜ਼ਾਰ ਤੋਂ ਵੱਧ ਸ਼ਰਧਾਲੂ ਪਹੁੰਚੇ

ਵੈਦਿਕ ਜਾਪ ਅਤੇ ਸ਼੍ਰੀ ਬਦਰੀ ਵਿਸ਼ਾਲ ਲਾਲ ਕੀ ਜੈ ਦੇ ਜੈਕਾਰਿਆਂ ਨਾਲ ਐਤਵਾਰ ਨੂੰ ਬਦਰੀਨਾਥ ਧਾਮ ਦੇ ਕਿਵਾੜ ਖੋਲ੍ਹੇ ਗਏ। ਇਸ ਦੌਰਾਨ 20 ਹਜ਼ਾਰ ਤੋਂ ਵੱਧ ਸ਼ਰਧਾਲੂ ਹਾਜ਼ਰ ਸਨ। ਇਸ ਤੋਂ ਪਹਿਲਾਂ ਬ੍ਰਹਮਮੁਹੂਰਤ ‘ਚ ਮੰਦਰ ਦੇ ਬਾਹਰ ਗਣੇਸ਼ ਪੂਜਾ ਕੀਤ। ਇਸ ਤੋਂ ਬਾਅਦ ਪੁਜਾਰੀਆਂ ਨੇ ਦਰਵਾਜ਼ੇ ਦੀ ਪੂਜਾ ਕੀਤੀ। ਮੰਦਰ ਦਾ ਦਰਵਾਜ਼ਾ ਤਿੰਨ ਚਾਬੀਆਂ ਨਾਲ ਖੋਲ੍ਹਿਆ ਗਿਆ। ਮੰਦਰ ਨੂੰ ਕਰੀਬ 20 ਕੁਇੰਟਲ ਫੁੱਲਾਂ ਨਾਲ ਸਜਾਇਆ ਗਿਆ ਹੈ। ਪਹਿਲੇ ਦਿਨ 20 ਹਜ਼ਾਰ ਤੋਂ ਵੱਧ ਲੋਕ ਦਰਸ਼ਨਾਂ ਲਈ ਪਹੁੰਚੇ। 11 ਮਈ ਦੀ ਰਾਤ ਤੋਂ ਹੀ ਹਲਕੀ ਬਾਰਿਸ਼ ਸ਼ੁਰੂ ਹੋ ਗਈ। ਇਸ ਤੋਂ ਪਹਿਲਾਂ ਮੌਸਮ ਵਿਭਾਗ ਨੇ 11 ਤੋਂ 13 ਮਈ ਤੱਕ ਮੀਂਹ ਅਤੇ ਬਰਫਬਾਰੀ ਦਾ ਅਲਰਟ ਜਾਰੀ ਕੀਤਾ ਸੀ। 9 ਮਈ ਦੀ ਸ਼ਾਮ ਤੱਕ ਬਦਰੀਨਾਥ ਧਾਮ ਦੇ ਦਰਸ਼ਨਾਂ ਲਈ ਕੁੱਲ 6 ਲੱਖ 83 ਹਜ਼ਾਰ ਲੋਕ ਰਜਿਸਟ੍ਰੇਸ਼ਨ ਕਰ ਚੁੱਕੇ ਹਨ।