ਪੰਜਾਬ ਦੀ ਜਲੰਧਰ ਪੱਛਮੀ ਸੀਟ ‘ਤੇ ਉਪ ਚੋਣ ਲਈ ਪ੍ਰਚਾਰ ਕਰ ਰਹੇ ਸੀ.ਐਮ ਭਗਵੰਤ ਮਾਨ ਆਪਣੀ ਹੀ ਪਾਰਟੀ ਦੇ ਵਰਕਰਾਂ ਦੇ ਰਵੱਈਏ ਤੋਂ ਨਾਰਾਜ਼ ਹੋ ਗਏ। ਖਚਾਖਚ ਭਰੀ ਮੀਟਿੰਗ ਵਿੱਚ ਸਟੇਜ ਵੱਲ ਜਾਣ ਦੀ ਕੋਸ਼ਿਸ਼ ਕਰਨ ਵਾਲੇ ਇੱਕ ਵਰਕਰ ਨੂੰ ਉਨ੍ਹਾਂ ਨੇ ਝਿੜਕਿਆ। ਨਾਰਾਜ਼ ਸੀਐਮ ਮਾਨ ਨੇ ਇੱਥੋਂ ਤੱਕ ਕਹਿ ਦਿੱਤਾ ਕਿ ਜੇਕਰ ਤੁਸੀਂ ਪਾਰਟੀ ਛੱਡਣਾ ਚਾਹੁੰਦੇ ਹੋ ਤਾਂ ਛੱਡ ਸਕਦੇ ਹੋ, ਸਾਨੂੰ ਅਜਿਹੇ ਨੇਤਾਵਾਂ ਦੀ ਬਿਲਕੁਲ ਲੋੜ ਨਹੀਂ ਹੈ।
ਸੀਐਮ ਮਾਨ ਨੇ ਅੱਗੇ ਕਿਹਾ ਕਿ ਪਾਰਟੀ ਨੂੰ ਪੈਸੇ ਵਾਲੇ ਲੀਡਰਾਂ ਦੀ ਨਹੀਂ, ਵਰਕਰਾਂ ਦੀ ਲੋੜ ਹੈ। ਮਾਨ ਸੋਮਵਾਰ ਨੂੰ ਜਲੰਧਰ ਦੇ ਵਾਰਡ ਨੰਬਰ 36 ਦੇ ਭਾਰਗਵ ਕੈਂਪ ਸਥਿਤ ਸੰਤ ਸ਼੍ਰੀ ਗੁਰੂ ਕਬੀਰ ਮੰਦਰ ਨੇੜੇ ਚੋਣ ਪ੍ਰਚਾਰ ਕਰ ਰਹੇ ਸਨ। ਵਰਕਰ ਨੂੰ ਝਿੜਕਣ ਦਾ ਇਹ ਵੀਡੀਓ ਹੁਣ ਵਾਇਰਲ ਹੋ ਰਿਹਾ ਹੈ।
